Suna hai log use aankh bhar ke dekhte hain

Suna hai log use aankh bhar ke dekhte hain song lyrics penned by AHMAD FARAZ, music composed by Gayathri Asokan, and sung by Gayathri Asokan from the movie Jannat Ki Talaash (1999).

Suna hai log use aankh bhar ke dekhte hain

sunā hai log use aañkh bhar ke dekhte haiñ 

so us ke shahr meñ kuchh din Thahar ke dekhte haiñ 

sunā hai rabt hai us ko ḳharāb-hāloñ se 

so apne aap ko barbād kar ke dekhte haiñ 

sunā hai dard kī gāhak hai chashm-e-nāz us kī 

so ham bhī us kī galī se guzar ke dekhte haiñ 

sunā hai us ko bhī hai sher o shā.irī se shaġhaf 

so ham bhī mo.ajize apne hunar ke dekhte haiñ 

sunā hai bole to bātoñ se phuul jhaḌte haiñ 

ye baat hai to chalo baat kar ke dekhte haiñ 

sunā hai raat use chāñd taktā rahtā hai 

sitāre bām-e-falak se utar ke dekhte haiñ 

sunā hai din ko use titliyāñ satātī haiñ 

sunā hai raat ko jugnū Thahar ke dekhte haiñ 

sunā hai hashr haiñ us kī ġhazāl sī āñkheñ 

sunā hai us ko hiran dasht bhar ke dekhte haiñ 

sunā hai raat se baḌh kar haiñ kākuleñ us kī 

sunā hai shaam ko saa.e guzar ke dekhte haiñ 

sunā hai us kī siyah-chashmagī qayāmat hai 

so us ko surma-farosh aah bhar ke dekhte haiñ 

sunā hai us ke laboñ se gulāb jalte haiñ 

so ham bahār pe ilzām dhar ke dekhte haiñ 

sunā hai aa.ina timsāl hai jabīñ us kī 

jo saada dil haiñ use ban-sañvar ke dekhte haiñ 

sunā hai jab se hamā.il haiñ us kī gardan meñ 

mizāj aur hī laal o guhar ke dekhte haiñ 

sunā hai chashm-e-tasavvur se dasht-e-imkāñ meñ 

palañg zāviye us kī kamar ke dekhte haiñ 

sunā hai us ke badan kī tarāsh aisī hai 

ki phuul apnī qabā.eñ katar ke dekhte haiñ 

vo sarv-qad hai magar be-gul-e-murād nahīñ 

ki us shajar pe shagūfe samar ke dekhte haiñ 

bas ik nigāh se luTtā hai qāfila dil kā 

so rah-ravān-e-tamannā bhī Dar ke dekhte haiñ 

sunā hai us ke shabistāñ se muttasil hai bahisht 

makīñ udhar ke bhī jalve idhar ke dekhte haiñ 

ruke to gardisheñ us kā tavāf kartī haiñ 

chale to us ko zamāne Thahar ke dekhte haiñ 

kise nasīb ki be-pairahan use dekhe 

kabhī kabhī dar o dīvār ghar ke dekhte haiñ 

kahāniyāñ hī sahī sab mubālġhe hī sahī 

agar vo ḳhvāb hai tābīr kar ke dekhte haiñ 

ab us ke shahr meñ Thahreñ ki kuuch kar jaa.eñ 

'farāz' aao sitāre safar ke dekhte haiñ 

Watch Suna hai log use aankh bhar ke dekhte hain Song Video

Suna hai log use aankh bhar ke dekhte hain song frequently asked questions

Check all frequently asked Questions and the Answers of this questions

In which movie this Suna hai log use aankh bhar ke dekhte hain belongs to?

Who is the Singer of this Suna hai log use aankh bhar ke dekhte hain song?

Who is lyricst of this Suna hai log use aankh bhar ke dekhte hain song?

By usingYoutube video downloaderyou can download youtube videos.